يالا نصحي قلوبنا قبل رمضان

استعرض الموضوع السابق استعرض الموضوع التالي اذهب الى الأسفل

يالا نصحي قلوبنا قبل رمضان

مُساهمة من طرف amat allah في الأحد يوليو 25, 2010 12:59 pm

يلا نصحي قلوبنا.
..
.لما تحس بالأمان في بيتك وسط أهلك.
..
.إحساس جميل.
..
.لما تعمل حاجة مفيدة في حياتك وتستفيد من كل لحظة في عمرك.
..
.إحساس جميل.
..
.لما تغلط وتقع لكن لا تستلم وتتعلم من أخطائك وتقوم وترجع تاني أحسن من الأول.
..
.إحساس جميل.
..
.لما تكون منارة وشعاع نور لكل اللي حواليك.
..
.إحساس جميل.
..
.لما تتعلم كل يوم حاجة جديدة.
..
.إحساس جميل.
..
.(بس الأجمل منه إنك تنفذها.
..
.الأفعال أجمل بكتير من الكلام).
..
.لما يبقى عندك يقين في ربنا ومتخافش من أي حاجة في الدنيا.
..
.هتنام وإنت مطمّن.
..
.لما ترضى باللي مقسوم لك وترضى بقضاء الله وقدره ومتزعلش لو حصلت حاجة غير اللي إنت عايزاها لإنك متأكد إن اللي عند ربنا خير.
..
.هتعيش سعيد طول عمرك.
..
.لما ترمي حمولك على الله وتفوّض له أمرك.
..
.عمرك ما هتخاف من بكره.
..
.لما تعامل الناس كويس مش علشانهم لكن علشان ربنا.
..
.عمرك ما هتزعل من حد.
..
.لما تحاول تخلص النية لله في كل حاجة في حياتك.
..
.هتحس إن الحياة ليها معنى.
..
.لما تنتصر على عدوك الشيطان مرة واتنين وتلاتة.
..
.هتعرف أد إيه الجنة غالية.
..
.لما تصلي وتحس إنك بتكلم ربنا بجد وبتركع له وبتسجد له وتتذلل إليه وإن كل حاجة حواليك بتسبّحه وإنت معاهم ومتبقاش صلاتنا مجرد حركات.
..
.إحساس ميتوصفش.
..
.لما تقرأ القرآن وقلبك وروحك وكيانك كله يبقى مع كل حرف فيه وحاسس بجد إن ده كلام ربنا ليك إنت.
..
.إحساس لا تستطيع الكلمات التعبير عنه.
..
.لما تتوب للتوّاب الرحيم وتحس بالندم على معصيتك وأد إيه إنت صغير أوي أدامه وتلاقي دموعك بتنزل لوحدها.
..
.إحساس لازم تجرّبه بنفسك لإن مينفعش حد يقولك عليه.
..
..
..
.لكن كل الأحاسيس الجميلة دي إحنا مش عايشنها طول الوقت.
..
.حتى لو حسينا بيها بتبقى لحظات ونرجع تاني زي ما كنا.
..
.طب إيه رأيكو لو نصحي قلوبنا ؟.
..
.ونتعلم إزاي الأحاسيس والروحانيات الجميلة دي تبقى معانا طول الوقت.
..
.وكمان رمضان قرّب عايزين ندخله بقلب صاحي ونشيط بيقول "لن يسبقني إلى الله أحدًا".
..
..
.إحنا بنقول يلا نصحي قلوبنا.
..
.طيب ليه ؟؟.
..
.قال رسول الله صلى الله عليه وسلم " إن الله لا ينظر إلى صوركم وأجسادكم ولكن ينظر إلى قلوبكم وأعمالكم ".
..
.محل نظر الله في الإنسان هو القلب.
..
.وينظر هنا معناها يُقيِّم.
..
.يعني ربنا سبحانه وتعالى بيقيِّمنا حسب قلوبنا وأعمالنا.
..
.واشمعنه القلب دون سائر الجسد.
..
.قال رسول الله صلى الله عليه وسلم
" وإن في الجسد مضغة إذا صلحت صلح الجسد كله وإذا فسدت فسد الجسد كله : ألا وهي القلب ".
..
.فإصلاح القلوب هي أول خطوة في الطريق إلى الله.
..
.والمنازل عند الله عزوجل حسب القلوب.
..
.فالقلب لو مريض ممكن يعمل عمل صالح.
..
.لكن القلب السليم لازم هيعمل عمل صالح.
..
.تصديقًا لقول رسول الله صلى الله عليه وسلم
" ألا و إن في الجسد مضغة إذا صلحت صلح الجسد كله وإذا فسدت فسد الجسد كله : ألا وهي القلب ".
..
.فلو صلّحنا قلوبنا وصحيناها فإحنا كده على أول الطريق ناحية ربنا.
..
.وطبعا لا ننسى العمل.

.إن شاء الله من أول بكرة
..
.كل يوم هنعرف سوا حاجة نصحي بيها قلوبنا.
..
avatar
amat allah
عضو جديد لانج
عضو جديد لانج

عدد المساهمات : 36
نقاط : 82
تاريخ التسجيل : 04/04/2010
العمر : 27

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى