حكاية حب فاشلة فى التلاجة

استعرض الموضوع السابق استعرض الموضوع التالي اذهب الى الأسفل

حكاية حب فاشلة فى التلاجة

مُساهمة من طرف a@love@h في الأحد يوليو 04, 2010 8:59 am

حوار بين البيبسي والميراند









الموقع : ثلاجة في سوبر ماركت
البيبسي : يا ميراندا صاحية ولا نايمة





الميراندا : صاحية وانت ايه اللي مصحيك لحد دلوقتي لسه ربع الساعة والراجل يقفل المحل ويقفل النور



البيبسي : ممكن أقعد جانبك



الميراندا : اتفضل



البيبسي : تحبي نتكلم في ايه



الميراندا : عادي أي حاجة..ولو هتطول قول علشان استأذن من بابا وأنام بره الصندوق



البيبسي ( فرحان ): كلامي ولا هيخلص بكره الصبح..أصلي رغاي قديم



الميراندا : أنت عارف ان كلامك حلو أوي بس بابا منبه علينا منكلمش السود



البيبسي : ليه دا احنا أليفين والله



الميراندا : بس انت عارف سوادك حلو..كأنه سواد ليلة مافيها قمر.أنا بجد معجبة بيك



البيبسي : احرجتيني وطلعتي زي ماقالت ماما



الميراندا : وهي قالت ايه



البيبسي : قالت الميراندا أحلى من الفانتا



الميراندا : فانتا آل فانتا آل



البيبسي : ليه مالها الفانتا دي تهبل



الميراندا : ماشي لو عاجباك روحلها في الصندوق بتاعها..سلام



البيبسي : ايه يا ميري زعلتي من كلامي دا انتي ستهم كلهم



وفي اللحظة دي صاحب المحل وحط جنبهم زجاجة فانتا



البيبسي : نورتي الصندوق يافانتا...ايه يا أخواتي الحلاوة دي



الميراندا : وكمان بتغازلها أدامي,, وانا معاك من الصبح يا عبد يا اسود



الفانتا : دي مالها دي متعصبة...ياي غيارة



البيبسي : سيبك منها بس قولي ايه الجمال اللي أنت فيه ده



الميراندا : قولي يا قصيرة يا قزعة



الفانتا : روحي كده وانتي بآلك اسبوع مرمية في الصندوق ومحدش معبرك



البيبسي : هدوء يا جماعة كل واحدة فيكم فيها مميزات انتو الاتنين حلوين



وفجأة جه زبون المحل وخد الثلاث زجاجات في كيس
وروح البيت وفتح الفانتا وشربها



البيبسي : الحمد لله كانت مضايقانا الفراولة............(منافق وبوشين)



الميراندا : وكمان جايلك عين تتكلم...روح وراها يا اسود



البيبسي (بينه وبين نفسه) : ضاعت عليا الفانتا وكمان الميراندا



وجلست الميراندا تبكي وتقول لنفسها يقطع الحب وسنينه
لحد اما سخنت وجه واحد يشربها وجدها سخنة فرماها في سلة المهملات
وكانت دي نهاية مؤلمة للقصة
avatar
a@love@h
عضو بدأ يشتغل
عضو بدأ يشتغل

عدد المساهمات : 180
نقاط : 296
تاريخ التسجيل : 16/04/2010
العمر : 25

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى